Búgin Atyraý qalasynda karantın engizildi. Sondaı-aq, oblys aýmaǵynda birneshe shekteý sharalary bar. Onyń merzimi 15 sáýirge deıin jalǵasady. Atyraý oblysynyń bas memlekettik sanıtarlyq dárigeri Meıirjan Esimbaevtyń qaýlysynda myna jaıttar qamtyldy.
2020 jylǵy 30 naýryz saǵat 00:00-den bastap 2020 jylǵy 15 sáýir 07:00-ge deıin Atyraý qalasynda karantın jáne Atyraý oblysy aýmaǵynda kelesi shekteý sharalary engizilsin:
1. Qazaqstan Respýblıkasyndaǵy tótenshe jaǵdaı kezinde shekteý sharalaryn saqtaý, sondaı-aq koronavırýstyq ınfeksııanyń taralýynyń aldyn alý maqsatynda (budan ári - COVID-19):
1) Atyraý qalasyna kirýge jáne odan shyǵýǵa tyıym salynady (turaqty turý oryndaryna kirýge jáne shyǵýǵa 02.04.2020 jyly saǵat 00-00 deıin ruqsat beriledi);
2) aýdan turǵyndaryna oblystar, aýdandar jáne Atyraý qalasy arasynda júrýge tyıym salynady;
3) oblystar jáne aýdandar arasynda resmı jáne resmı emes (tirkelmegen) jeke tasymaldaýshylarmen jolaýshylar tasymalyna tyıym salynady;
4) barlyq avtovokzaldardyń, avtostansııalardyń jumysy toqtatylsyn;
5) 2020 jylǵy 1 sáýirden bastap temirjoldaǵy aımaqaralyq jolaýshylar qatynasy toqtatylsyn;
6) úkimettik reıster men tótenshe jaǵdaı jónindegi Atyraý óńirlik komıssııasynyń tóraǵasymen kelisilgen reısterden basqa, Atyraý halyqaralyq áýejaıynyń barlyq reısterin toqtatsyn;
7) mynalardy qospaǵanda, turǵylyqty jerlerden shyǵýǵa tyıym salynsyn:
-azyq-túlik, qajetti zattar, dári-dármekter men medısınalyq maqsattaǵy buıymdardy satyp alý;
-jumysqa barý;
-medısınalyq kómekke júginý;
8) 65 jastan asqan qala turǵyndaryna erekshe qajetsiz jaǵdaıda bolmasa, úıden dalaǵa shyqpasyn;
9) turatyn jerinen tys jerde júrgen kezde maska kıip júrsin, bir ret qoldanylatyn qolǵaptardy paıdalansyn jáne qoldy óńdeýge arnalǵan teri antıseptıkteriniń bolýyn qamtysyn;
10) balalarmen serýendeýdi turǵylyqty jerinen 500 metrden aspaıtyn radıýsta jáne uzaqtyǵy 30 mınýttan aspaıtyn ýaqyt ishinde júzege asyrsyn;
11) azyq-túlik sýpermarketterin, azyq-túlik dúkenderin, dárihanalar men qajetti taýarlar satýdy qospaǵanda, saýda-oıyn-saýyq ortalyqtary men bazarlardyń qyzmetin toqtatsyn;
12) azyq-túlikke jatpaıtyn saýda ortalyqtarynyń, jeke turatyn azyq-túlik emes dúkenderdiń, avtokólik satatyn salondardyń, avto bólshekterdi satý salondarynyń, gúl pavılondarynyń, hımııalyq tazalaý, kir jýatyn oryndardyń, fotoatele, fotosalondardyń, optıka, lombardtardyń, jyljymaıtyn múlik agenttikteriniń, kólik jýý oryndarynyń,tehnıkalyq qyzmet kórsetý stansııalary, monshalar, saýnalar, fıtnes klýbtar, trenajerler, sport keshenderi, basseınder, sulýlyq salondary, spa-ortalyqtar, tyrnaq sheberhanalary, shashtarazdar, kompıýterlik klýbtar, jabyq balalar oıyn alańdary, zoopark , muz aıdyny, kórmeler jáne osyǵan uqsas qyzmet kórsetý nysandary qyzmetin toqtatsyn;
13) meıramhanalar, kafeler, barlar, ashanalar jáne basqa da qoǵamdyq tamaqtaný obektileriniń jumysyna tek 10.00-den 20-00-ge deıin «tapsyrys berýshilerge jetkizý» qaǵıdaty boıynsha ruqsat berilsin;
14) menshik túrine qaramastan balabaqshalardyń qyzmeti toqtatylsyn.
Jumasat ǴAZIZ