«30 naýryzdan 5 sáýirge deıin Nur-Sultan men Almaty qalalarynda ekinshi deńgeıli bankter jumysyn toqtatady», dep habarlaıdy Ulttyq banktiń baspasóz bólimi.
«Osy ýaqyt aralyǵynda zańdy jáne jeke tulǵalardan tólem qabyldaý jáne aqsha aýdarý ınternet, mobıldi bankıng arqyly qashyqtyqtan júzege asyrylady. Qolma-qol aqshany alýǵa, qolma-qol aqshasyz esep aıyrysýǵa jáne jeke tulǵalardyń banktik shottaryn toltyrýǵa arnalǵan bankomattar men termınaldardyń jumys isteýin bankter ádettegideı qamtamasyz etedi», - delingen habarlamada.
Sondaı-aq, QR Ulttyq bankine qarasty qazaqstandyq bankaralyq esep aıyrysý ortalyǵy bankterdiń, qazynashylyq komıtetiniń jáne naryqtyń basqa qatysýshylarynyń tólemderin óńdeýdegi jumysy shtattyq rejımde júzege asyrylady.