Búkil álemdi sharpyǵan indet ókinishke oraı Qazaqstandy da aınalyp ótpedi. Bul maıdan halyqtyń tózimi men eldiń birligin synǵa saldy.
Únemi ıgi isterdiń basynan tabylatyn shymkenttik kásipker, «Bal_tekstıl» JShS dırektory Talǵat Ysqaqov koronavırýs indetine qarsy kúreske 5 mln. teńge aýdaryp, óz úlesin qosty.
Qazaq kilemin brend retinde álemge tanytyp júrgen kásipker aty jaman indettiń aldyn alý barsha otandastarymyzdyń mindeti ekendigin tilge tıek etti.
- Bul indetti jeńý úshin judyryqtaı jumylyp, ortaq maqsatqa kúsh biriktirýimiz qajet. Talaı zobalańdy ótkergen uly eldiń urpaǵy retinde bul indetti de jeńemiz dep senemin. Biz birgemiz, - deıdi kásipker Talǵat Ysqaqov.