Prezıdent Ervand Tıhonovıch Ilınskııge «Qazaqstannyń Eńbek Eri» ataǵyn berý týraly Jarlyqqa qol qoıdy, dep habarlaıdy Egemen.kz.
Memleket basshysy Qasym-Jomart Toqaev alpınızmdegi asa úzdik jetistikteri, sondaı-aq eldegi sportty damytýǵa qosqan eleýli úlesi jáne qoǵamdyq qyzmetke belsendi qatysqany úshin Ervand Tıhonovıch Ilınskııge «Qazaqstannyń Eńbek Eri» ataǵyn berý týraly Jarlyqqa qol qoıdy.
Ervand Tıhonovıch Ilınskıı – halyqaralyq dárejedegi sport sheberi, KazKSR-diń qurmetti jattyqtyrýshysy, KSRO-nyń qurmetti alpınızm jattyqtyrýshysy, KSRO chempıonattarynyń birneshe dúrkin chempıony jáne júldegeri.
1973 jyldan bastap SKA SAVO alpınızm boıynsha aǵa jattyqtyrýshysy. 1990 jyly Everest shyńyna shyqqan, Qazaqstanda «Jeti shyń» klýbynyń birinshi múshesi (2007).
Ol 100-den astam sport sheberin daıarlaǵan, olardyń ishinde 40 halyqaralyq dárejedegi sheber jáne 25 qurmetti sport sheberi bar.