Tokıo Olımpıadasynyń keıinge shegerilýine baılanysty kelesi jyly jalaýy jelbireıdi dep josparlanǵan jeńil atletterdiń álem chempıonaty 2022 jyly ótetin boldy.
Jeńil atletıka eń kóp júlde jıyntyǵy sarapqa salynatyn sport túri. Sol sebepti de ony «Sport padıshasy» dep ataıdy. Máselen, byltyr Dohada ótken álem chempıonatynda 149 (49 altyn+49 kúmis+51 qola) túrli-tústi medaldar taratyldy.
Katardyń astanasyndaǵy jarystyń jalpy komandalyq esebindegi tartys AQSh quramasynyń aıqyn basymdyǵymen aıaqtaldy. 14 altyn, 11 kúmis jáne 4 qolany oljalaǵan amerıkalyqtar jarys kestesinde jeke-dara kósh bastady. Ekinshi jáne úshinshi oryndy Kenııa (5+2+4) men Iаmaıkanyń (3+5+4) «qara marjandary» ıelendi. Sondaı-aq, Qytaı (3+3+3) men Efıopııa (2+5+1) sportshylary úzdik bestiktiń qatarynan kórindi. О́kinishke qaraı, Parsy shyǵanaǵynda Qazaqstannyń órenderine júlde buıyrǵan joq.
Jeńil atletterdiń jarysyn tamashalaýǵa kórermenderdiń kóptep keletini belgili. Iri korporasııalar men irgeli kásiporyndar, tasy órge domalaǵan bıznesmender men basqa da baı-qýattylar osy sport túrine demeshýlik jasaýǵa árkez aıryqsha qushtarlyq tanytýda. Al Olımpıada – sport ataýlynyń tóresi. Sol sebepti de Halyqaralyq jeńil atletıka federasııalar qaýymdastyǵy (IAAF) álem chempıonatyn Olımpııa oıyndarymen qabattastyrmaı keın ótkizýdi qup kórip otyr.