Búginde álemdi sharpyǵan koronavırýs indeti elimizge de keldi. El-jurtty ábigerge salǵan indettiń aldyn alýda qazirgi kezde elimizde tıisti sharalar qabyldanýda. О́kinishke qaraı, aǵymdaǵy jylǵy 15-18 naýryz aralyǵynda koronavırýstan qaıtys bolǵan Aqmola oblysynyń turǵyny tirkelgendigi habarlanǵan bolatyn. Jambyl oblysy ákimdiginiń málimetinshe, Aqmola turǵyny Shý jáne Merki aýdandarynyń aýmaǵyna kelip-ketken.
Medısınalyq jáne epıdemııaǵa qarsy qyzmetter marqummen baılanysta bolǵan 16 tulǵany anyqtaǵan. Shý aýdanynan 10, al Merki aýdanynan 6 adam tekserilgen. Abyroı bolǵanda, koronavırýstyq ınfeksııasyna alynǵan qan taldaýynyń qorytyndysy teris nátıje kórsetti.
Búginde azamattardyń jaǵdaıy qanaǵattanarlyq, koronavırýstyq ınfeksııanyń belgileri joq. Olar 14 kúndik karantındik stasıonarǵa jatqyzylǵan. Kelgen oryndarynda medısınalyq qyzmetkerler epıdemııaǵa qarsy qajetti is-sharalardy júrgizdi.
Jambyl oblysy