Ǵalymdar qorshaǵan ortaǵa zııandy plastıkterdi joıýǵa yqpal etetin bakterııalardyń shtammyn tapty. Science Alert málimetterine súıensek, zertteý barysynda nemis ǵalymdary tapqan polıýretandy plastmassadan tolyǵymen ydyraýǵa yqpal etetin bakterııalardyń shtammy ekologııalyq zalaldardyń aldyn alýǵa baǵyttalǵan qadamdardyń biri.
Ekologııalyq zertteýler ortalyǵy zertteý tobynyń múshesi German Haıpıperdiń málimetinshe, plastmassa ydyraǵanda bakterııalardyń kópshiligin óltiretin ýly jáne kanserogendi zattar shyǵarady. Al jaqynda tabylǵan shtamm bul áserge tózimdi keledi. Ǵalymdar bul jańalyqtyń álemde polıýretandy ónimderdi joıý jolyndaǵy mańyzdy qadam bolatynyna kúmándanbaıtynyn aıtady.
Tabylǵan bakterııalardy ónerkásiptik deńgeıde paıdalaný úshin áli de kóp jumys jasaý kerek. Ǵalymdardyń pikirinshe, adamzat qorshaǵan ortany lastap jatqan plastıkterdiń mólsherin azaıtýy tıis. Nıý-Iorktiń qorshaǵan ortany qorǵaý departamenti polıetılen paketterin qoldanýǵa jáne satýǵa tyıym salǵany belgili. Desek te ǵalymdar jyl saıyn Nıý-Iork turǵyndary qorshaǵan ortaǵa zalal keltiretin 23 mıllıardtan astam polıetılen paketterin qoldanatyndyǵyn aıtady.
ALMATY