Kómekke zárý jandarǵa azyq-túlik jáne betperdeler jetkizý aksııasy ýaqytsha toqtatyldy, dep habarlaıdy pavlodarnews.kz tilshisi.
Eske salaıyq, naýryz aıynyń 20-sy kúni Pavlodarda «Nur Otan» partııasynyń «Biz birgemiz!» respýblıkalyq aksııasy bastaý alǵan bolatyn. Aksııa aıasynda kópbalaly jáne az qamtylǵan otbasylarǵa, jalǵyzbasty zeınetkerler men múgedekterge birinshi kezekte qajetti azyq-túlik ónimderin, betperdeler men antıseptıkalyq quraldar jetkizýde.
- Osy ýaqyt aralyǵynda óńirimizde 900-ge jýyq otbasyǵa kómek kórsetildi, - dedi «Jas Otan» oblystyq fılıalynyń tóraǵasy Ǵabıt Hafız.
– «Nur Otan» men «Jas Otan» eriktileri qajetti zattar salynǵan jáshikti «esikten-esikke» qaǵıdaty boıynsha jetkizip beredi. Iаǵnı, adamdarmen baılanysqa túspeıdi. Kómek retinde beriletin zattar demeýshiler esebinen alynady.
Ǵabıt Hafızdiń aıtýynsha, kómek beriletin otbasylar «Nur Otan» qoǵamdyq qabyldaýynda, áleýmettik jelilerde túsken ótinishter boıynsha jáne jumyspen qamtýdy úılestirý jáne áleýmettik baǵdarlamalar mekemeleri usynǵan tizim boıynsha anyqtalady.
- Búgin indetke qatysty elimizdegi jaǵdaıdyń ýshyǵýyna baılanysty halyq pen eriktilerdiń densaýlyǵyna qaýip tóndirmeý úshin bul aksııa ýaqytsha toqtatyldy, - dedi Ǵabıt Hafız.