Jastarǵa da qoldaý jasalady

Naqty Málimdemege toqta­latyn bolsaq, eń aldymen, bul – búgin­gi jaǵdaıda týyndap otyrǵan áleý­mettik máselelerdi sheshýge baǵyttalǵan bastama. Kásip­kerlikke, shaǵyn jáne orta bızneske demeý sharalary desek te bolady. Onymen qosa Málimdemede jastardyń da máselesi shet qalǵan joq. Bárimiz jaqsy biletindeı, elimizdiń Nur-Sultan, Almaty, Shymkent sııaqty úlken qalalary karantınge jabylyp, kóptegen kásiporyndar men mekemeniń ju­my­syn toqtatýǵa týra keldi. Onyń ishinde jastar da jumyssyz qal­dy. Osy qalalardyń ákimdik­terine arnaıy tapsyrma berilip, jumyspen qamtý ortalyqtaryn daıyndaý qolǵa alynatyn boldy. Osylaısha, jastardyń, basqa da jumyssyz azamattarymyzdyń jumysqa ornalasýyna múmkindik jasalmaq.

Inflıasııanyń artýyna baı­lanysty zeınetaqy, memlekettik járdemaqy jáne ataýly áleý­mettik kómek mólsherin jyldyq ólshemmen alǵanda 10 paıyzǵa ındeksteý tapsyryldy. Osyǵan oraı, halyqtyń tabysyn arttyrý úshin memleket tarapynan 200 mıllıard teńgeden astam qarajat bólinedi.

Turmysqa qajetti zattar men azyq-túlikti tegin alatyn azamat­tardyń sanaty keńeıtiletin boldy. Buǵan 800 myń adam ilikpek. Bul pandemııa kezinde qolǵa alyn­ǵan jaqsy bastama dep esepteımin. 800 myń adam – bul da bir úlken qaýym. Búgingideı qaýip-qater artqan kúnderde mem­lekettegi ár adamnyń jaǵ­daıy mańyzdy.

Bıylǵy 23 naýryzda tabysynan aıyrylǵan azamattarǵa eń tómengi jalaqy mólsherinde qoldaý kórsetiletini týraly da aıtyldy. Kómek alatyn azamat­tardyń tizimi de keńeıtilip jatyr. Bul jumyssyz qalǵan halyq úshin kerek-aq.

Qıyndyqtyń ýaqytsha eke­nin bárimiz bilemiz. Degen­men osyndaı kezde de halyqty qoldaý, qıyn-qystaý kezeńde demeý mańyz­dy. О́ıtkeni indetpen kúres­ke halyq­tyń áleýmettik jaǵ­daıyna qam­qor­lyq tanytý da kiredi. «Ju­myla kótergen júk jeńil» demek­shi, birlessek bul synaqtan da óte­tinimizge senimdimin.

Gennadıı ShIPOVSKIH,

Májilis depýtaty