AQSh prezıdenti Barak Obama óz odaqtastarynyń qatysýynsyz-aq Sırııaǵa áýeden soqqy jasaý jóninde buıryq berýge daıyn. Bul týraly «Nıý-Iork taıms» gazetiniń aqparyna silteme jasaǵan ITAR-TASS habarlady.
«Nıý-Iork taıms» gazetiniń málimetine qaraǵanda, Sırııaǵa soqqy berý jónindegi buıryqty Barak Obama BUU Qaýipsizdik keńesi maquldamaǵan jaǵdaıda da iske asyra alatyn kórinedi.
«Ázirge prezıdent sheshim qabyldaǵan joq, alaıda, áýe soqqysy senbi kúni BUU ınspektorlary Sırııa aýmaǵyn bosatqannan keıin jasalýy múmkin», – dep habarlady gazettiń Aq úı ákimshiligindegi aqparat kózi. Ol sondaı-aq soqqy jasaý jospary bekitilýi úshin juma kúni AQSh Kongressine jiberiletinin málimdedi.
Aıdar О́risbaev.