Qazaqtyń shahmatshy qyzy Jansaıa Ábdimáliktiń osydan birer apta buryn Shveısarııanyń Lozanna qalasynda ótken asa iri halyqaralyq týrnırde úshinshi oryndy ıelengeni esimizde.
Sol tabysynyń arqasynda Jansaıa áıelder arasyndaǵy álemdik reıtıngte joǵarlap, qazirgi kezde 16 oryndy oljalaýda. Onyń enshisinde 2778 upaı bar. Bul – Ábdimáliktiń sporttyq karerasynda ázirge eń zor nátıjesi. Sonymen qatar, qandasymyz 20 jasqa deıingi shahmatshylar arasynda álemdik reıtıngte kósh bastap tur.
Al Qazaqstannyń shahmatshy qyzdary arasynda eń úzdik nátıje Dınara Sádýaqasovaǵa tıesili. Qorjynynda 2500 upaıy bar arýymyz 12 oryndy enshileýde.
Erler arasynda «TOP-100» shahmatshynyń qatarynda tek Rınat Jumabaev qana bar. 2654 upaımen ol 90 orynǵa jaıǵasty.