Tyǵyryqtan shyǵaratyn tyń sheshimder

Prezıdent Tótenshe jaǵ­daı rejiminiń qashanda ekono­mı­kalyq, áleýmettik saldary bolatynyn jáne ol qazirdiń ózinde kóptegen salaǵa salqynyn tıgizip úlgergenin aıtty. Shaǵyn jáne orta bıznesi turalap qalǵan kásipkerler qazir memlekettik qoldaýǵa muqtaj. Bul oraıda Qasym-Jomart Toqaev memleket tarapynan shaǵyn jáne orta bızneske qoldaý kórsetý úshin buryn-sońdy bolmaǵan sharalar qolǵa alynatynyn da atap aıtty. Máselen, ShOB ókilderi bıylǵy 1 qazanǵa deıin eńbekaqy tóleý qorynan ustalatyn tabys salyǵynan bosatylatyn boldy. Mundaı qoldaý saýda, kólik qyzmeti, qonaqúı, týrızm jáne basqa da salalardy qamtıdy. Bul bıznes ókilderine jasalǵan zor qoldaý bolary anyq.

Koronavırýstyń orasan zardabyna tótep berý múm­kin bolmaǵan salalardyń kósh basynda týrızm tur. Sarap­shy­lardyń boljamy boıynsha sala jumysyna tıgen zalal 11 qyrkúıektegi terrorlyq áreket­tiń atalmysh ındýstrııaǵa tıgizgen zalalynan birneshe esege asyp túsken. Soǵan qaramastan, memleket tarapynan jasalatyn naqty qoldaýlardyń arqasynda pandemııa aıaqtalǵan soń otandyq týrızm aıaǵyna nyq turady degen senim bar. Osy maqsatta týrızm salasyndaǵy, sondaı-aq qonaqúı jáne qoǵamdyq tamaq­taný boıynsha zańdy tulǵalar men jeke kásipkerler salyq­tan bo­sa­tylady. Qazirgi tańda otan­dyq tý­rıstik kompanııa ókil­deri­niń óti­nishteri boıynsha shy­ǵyn­daryn eseptep, olarǵa qoldaý kór­setý sharalary pysyqtalyp jatyr.

Mádenıet jáne sport mınıs­tr­ligi koronavırýs sal­qy­ny týrızm salasyna tıip, týr­operatorlar jumysyna kesi­rin tıgize bastaǵan ýaqyttan bastap olarǵa qarasýda. Máselen, memleket álem boıynsha qaterli indet jyldam taralyp jatqan shaqta syrtta júrgen otandas­tarymyzdy elge aldyrýda aıtar­lyq­taı sharýa atqardy. TJ jarııa­lanǵannan beri 5913 týrıst elge qaıtaryldy. Olar­dyń barlyǵy da elimizdiń sanı­tar­lyq reglamentine sáıkes tekserýden ótti.

О́zekti máselelerdiń biri ju­mys­pen qamtýǵa baılanys­ty bolyp otyr. Tótenshe jaǵdaı men karantın rejiminiń engiz­il­ýine baılanysty qala syrtynan kelip iri megapolısterde jumys isteıtinderdiń tyǵyryqqa tire­lip, jumyssyzdar qataryn to­lyq­­tyryp jatqanyn aıtqan Prezıdent «Bıznestiń jol kartasy-2025» baǵdarlamasy aıasynda eńbekpen qamtý jumystaryn úılestirýdi tapsyrdy. Mádenıet jáne sport mınıstrligi de bul iske belsendi qatysady. Osy rette elimizdegi kýrorttyq aımaq­tar­dyń ınfraqurylymyna ba­ǵyt­­talǵan jobalarymyz bar­shy­­lyq. Olar júzege assa 16 myń adamdy jumyspen qamtı ala­­­myz.

Prezıdent osynaý qysyltaıań shaqta sabyrlyq tanytyp, qoldaý bildirgen Qazaqstan halqyna alǵys bildirdi. Rasymen, Tótenshe jaǵdaıǵa baılanysty karantın jarııalanǵanyna qaramastan halyqtyń rýhynyń bir sátke bolsyn synbaǵanyna kúndelikti kýá bolyp otyrmyz. Kóptegen mekemeler qaýipsizdik maqsatynda qashyqtan jumys isteýge kóshti. Elimiz úshin bul buryn-sońdy jappaı qoldanylmaǵan jańa úderis ekenine qaramastan oıdaǵydaı júrip jatyr dep aıta alamyz. Mádenıet jáne óner salasy boıynsha kadrlar daıarlaıtyn oqý oryndary men óner, sport mektepteri de 6 sáýirden bastap qashyqtan bilim berýge kóshkeli otyr. Osy rette aıta ketý kerek, qashyqtan jumys isteýge kóshken barlyq mádenıet mekemeleri, oqý oryndary men mınıstrlikke qarasty uıym qyzmetkerleriniń jalaqasy saqtalady.

Jalpy qashyqtan jumys isteý degen atyna qaramastan, mádenıet pen rýhanııatqa baǵyttalǵan is-sharalar bir sátke de tolastaǵan joq. Sıfrly tehnologııalardyń jetistigi arqasynda mádenıet oshaqtary kórermenderin reper­týa­ryndaǵy tamasha týyndyla­rymen el rýhyn kóterýde. Kór­nekti ónertanýshylar men tanymal óner ıeleriniń, JOO oqytýshylarynyń sheberlik dáristeri onlaın platformalarda barlyǵyna qoljetimdi. Mádenıet mınıstrligi elimizdiń kez kelgen turǵyny úıden shyqpaı-aq mýzeılerge vırtýaldy saıahat jasaýy, teatrlardyń qoıylymyn, óner juldyzdarynyń kosertterin onlaın tamashalaı alýy múmkin­di­gin uıymdastyrdy. Bir ǵana «Karantındegi juldyz», «Onlaın-óner» jobalary otan­das­­tarymyzdyń jyly lebi­zi­­­­­­ne ıe bolyp jatqanyn atasam da jetkilikti bolar. «Halyq qazynasy» atty Qurmanǵazy atyndaǵy Qazaq ulttyq konservatorııasy men Qazaq radıosynyń birlesken jańa jobasy tikeleı efırge shyǵa bastady.

 Rýhanı azyq alam deıtin árbir adam úshin elimizdegi kitaphanalar elektrondy kitaptar qoryn usynyp, memlekettik muraǵat onlaın qyzmet kórsetýge kóshti. Memlekettik tildi úırenemiz deýshilerge tegin onlaın kýrs­tar ashyldy. Al til saıasaty komıteti termın sózder jasaýǵa «Qazaqy termındi halyq jasaıdy» konkýrsyn jarııalap, álipbıdi jetildirýge qatysty ǵalymdarmen onlaın talqy­laýlar uıymdastyrdy. Sport komıtetiniń bastamasymen sport sańlaqtarynyń tańǵy jattyǵýy áleýmettik jelilerde taratylyp, kúlli qazaqstandyqtar chempıondarmen birge jattyǵý jasaý múmkindigine ıe boldy. Serik Sápıev, Álııa Iýsýpova, Vasılıı Levıt, Ádilbek Nııazym­betovtermen ótken tikeleı efır­de­gi suhbattar kópshilik kóńilinen shyqty.

Prezıdent málimdemesinde «Biz – rýhy asqaq, birligi bekem, eńsesi bıik halyqpyz. Sondyqtan bul synaqtan da súrinbeı ótip, qıyndyqty birge eńseremiz dep senemin» degen sózder bar. Mınıstrliktiń bastamasymen áleýmettik jelide belgili ánshi, halyq ártisi Roza Rymbaeva joldaǵan «Birge eńseremiz» atty estafeta az kúnniń ishinde 500-den asa adamǵa tara­lyp, búginde sheteldik óner ıele­ri men zııaly qaýym da qosylyp jatyr. Bul da bolsa Qazaqstan hal­qynyń aýyzbir­shiligi men berik rýhynyń bir sıpaty bolar.

Alashtyń arysy Maǵjan Jumabaev «Erdiń elge baǵasy qany bir bolýda emes, jany bir bolýda; qýanysh-qaıǵysy ortaq bolýda. Erdiń baǵasy elge etken eńbeginiń zor ıakı kishiliginde emes, el degen júreginiń taza bolýynda; tileginiń elmen ortaq bol­ýynda» degen ataly sóz qal­dy­ryp ketken eken. Endeshe tórtkúl dúnıeni dúrbeleńge sal­ǵan dertti qarshadaı baladan, qa­byr­ǵaly qarııaǵa deıin jumyla júrip jeńetin kún jaqyn bolǵaı!

Aqtoty RAIYMQULOVA,

Mádenıet jáne sport mınıstri