Saý adamdarǵa betperde taǵýdyń qajeti joq, koronavırýstan betperde qutqara almaıdy degen pikirdi Dúnıejúzilik densaýlyq saqtaý uıymynyń resmı ókili Tarık Iаzarevıch aıtqan. «Rıa Novostı» resmı ókil bul pikirdi qazir álemde medısınalyq emes betperdelerdi jasaý kóbeıip ketken soń aıtty dep habarlaıdy.
«Bizdiń ustanymymyz ózgergen joq. Saý adamdarǵa betperde taǵýdyń qajeti joq. Al, aýrýdyń sımptomdary bar adamdar ózgelerge juqtyrmaý úshin betperde taǵý kerek. Sondaı-aq, aýrý adamdarǵa qarap jatqan kisiler olardan juqtyryp almaý úshin qorǵansa bolady», deıdi resmı ókil.
Tarık Iаzarevıch eń aldymen dárigerlerdiń aýrý juqtyrýdyń aldyn alatyn quraldarmen molynan qamtamasyz etilýin basa aıtady. Buǵan qol jetkizý úshin qarapaıym azamattardyń álgi quraldardy kóptep satyp alýy toqtaýy qajet degen pikirde.
Ol sondaı-aq adamdardyń saqtyq sharalary eń aldymen qoldy taza jýýdan bastalatynyn aıtqan.