Densaýlyq saqtaý mınıstri Eljan Birtanov indet juqtyrǵan naýqastardyń qazirgi jaǵdaıy jaıynda aıtyp berdi.
«Elimizde sońǵy táýlikte jalpy 453 naýqas tirkeldi. Olardyń eń kóp sany Nur-Sultan jáne Almaty qalalarynda. Elordada 200 naýqas, Almaty qalasynda 93 adam vırýs juqtyrdy. О́kinishke qaraı, 3 adam indetten kóz jumdy. 29 naýqas aýrýhanalardan emdelip shyqty», dedi Eljan Birtanov.
Budan soń, mınıstr qazir em qabyldap jatqan naýqastardyń jaǵdaıy jaıynda sóz etti.
«Búgingi kúni 11 naýqastyń jaǵdaıy óte qıyn. Olar ıntensıvtik reanımasııa bólimshelerinde em qabyldap jatyr. 68 naýqastyń jaǵdaıy ortasha deńgeıde. 341 naýqastyń jaǵdaıy jeńil deńgeıde. Osy naýqastarǵa baılanysty 13 467 qarym-qatynasta bolǵan azamat tirkeldi. Olardyń arasynda 442 azamat shetelge shyǵyp ketti. Al qalǵan 13 025 azamat bizdiń tirkelgen naýqastarmen baılanysta bolǵan. Olardyń 96,7 paıyzy tabylyp, oqshaýlandy. Qazir olar stasıonarlyq nemese úı karantıninde», dedi ol.