Densaýlyq saqtaý salasynyń sarapshylary koronavırýs ınfeksııasynyń aldyn alýda betperdeler men qolǵaptardy kııýdiń kópshilik qaperge ala bermeıtin tustary jetkilikti ekendigin aıtady.
Medical Xpress baspasóz habarlamasynda densaýlyq saqtaý salasy mamandary betperde kıgen adamdar qarapaıym nusqaýlarǵa nazar aýdarmaıdy dep alańdaýshylyq bildiredi.
Betperdeni qoldanar aldynda qoldy jýý ári ony durystap kııýge nazar aýdarý qajet. Bala nemese eresek bolǵanyna qaramastan, adamdar betperdeni qolmen ustaýǵa beıim. Ondaı jaǵdaıda vırýs juqtyrý qaýpiniń joǵary ekendigin eskertken mamandar, adam qoly betperdege orta eseppen saǵatyna kem degende 20 ret tıetindigin basshylyqqa alyp otyr. Dárigerlerdiń eskerpesinde vırýs jaqyn qashyqtyqta qol, muryn, kóz jáne qulaqtyń shyryshty qabatyna túsý arqyly juǵatyndyǵy aıtylǵan.