Kenshiler astanasynda «Astana» óńirlik qolbasshylyǵynyń sarbazdary qaladaǵy basty kóshe – Buqar jyraý dańǵylynda dezınfeksııa jumystaryn júrgizdi.
Zararsyzdandyrý jumystaryna jeke qorǵanysh kostıýmderin kıgen 50-ge jýyq áskerı qyzmetshi jumyldyrylyp, olar 7 myń tekshe metr «Rýbej» eritindini búrkip, kósheni dezınfeksııadan ótkizdi.
Dezınfeksııalanatyn jerlermen aldymen daýys zoraıtqyshy bar arnaıy avtokólik júrip ótip, jumystyń bastalǵany týraly habarlap otyrdy.
– Qaraǵandyda keń kólemde dezınfeksııa jumystary júrgizilip jatyr. Eger sizdiń úıińizdiń janynan osyndaı kólik júrip ótse, onda terezeler men balkondardy 5 saǵatqa jabyńyzdar, – dep habarlady Senim 109 qyzmeti.
Atalǵan jumystar júrgizilgen jerlerden ýaqytsha bolsa da aýlaq bolǵan jón jáne múmkindiginshe kóshege shyqpaı, balalardy da qaraýsyz qaldyrmaý kerek ekendigi eskertildi.
Qaraǵandy oblysy