Oblys ákiminiń orynbasary Asaıyn Baıhanovtyń onlaın túrde ótken baspasóz máslıhatynda málim etkenindeı, elimizde Tótenshe jaǵdaı engizilgennen keıin áleýmettik mańyzy bar ónimderge suranys artqan.
Endi áleýmettik mańyzy bar ónimderdiń 19 túri boıynsha baǵaǵa baqylaý júrgiziledi.
Qazirgi ýaqytta óńirdegi turaqtandyrý qorynda 1 myń tonnadan astam ónim bar. Búginde oblystyq máslıhattyń sheshimimen bólingen 1 mlrd teńgeden astam qarjyǵa 19 túrli ónim satyp alynýda.
Al, Turaqtandyrý qoryndaǵy ónimder oblystaǵy áleýmettik dúkenderge jetkiziledi.
Oblysta 196 áleýmettik dúken bar bolsa, onyń 40-y oblys ortalyǵynda, Ekibastuzda - 10, Aqsýda – 5, qalǵandary aýdandarda ornalasqan.
О́ndirýshiler endi ónimderin apta saıyn ótetin aýyl sharýashylyq jármeńkesine emes, áleýmettik dúkenderge jetkizedi. Áleýmettik dúkenderdiń tizimin «Pavlodar» ÁKK» AQ saıtynda jazylǵan.
-Sondyqtan, tótenshe jaǵdaıǵa baılanysty shekteý sharalary kóbeıgendikten jármeńkeni toqtatý týraly sheshim qabyldadyq. Ákimdik tarapynan óndirýshilermen dúkenderdiń arasyna alypsatarlardyń túspeýine, esh bóget bolmaýyna jaǵdaı jasaımyz, - dedi oblys ákiminiń orynbasary.