Túrkistan: Áskerıler qalany zalalsyzdandyrýǵa kiristi

Áskerıler stasıonarlyq baqylaý-ótkizý beketterindegi polısııa men medısına qyzmetkerlerine kómek kórsetip jatyr. Sondaı-aq sarbazdar qaladaǵy qoǵamdyq oryndar men saıabaqtardy, bazarlar men saýda oryndaryn zalalsyzdandyrýǵa qatysady. Búginniń ózinde arnaıy kıim kıip, qural-jabdyqtarmen qamtylǵan áskerıler shahardaǵy ortalyq kóshelerdi dezınfeksııalaý jumystaryn júrgizdi. Osyndaı óńdeý sharalary eldegi tótenshe jaǵdaı aıaqtalǵanǵa deıin kúnine eki ret jalǵasatyn bolady.

Qazir dezınfeksııalaý sharalaryna 200 áskerı men birneshe tehnıka jumyldyrylǵan. Qajettilik týyndaǵan jaǵdaıda áskerılerdiń sany artatyndyǵy da aıtylǵan.

- Búginnen bastap temirjol vokzaly tolyq jabylady. Avtobeketter tolyq jabyq. Bazarda azyq-túlikten basqasy jabyq. Endi qurylystan bólek basqa da mekemelerdiń barlyǵyna shekteý qoıylady. Jumystyń bárin búgin toqtatý kerek. Aýyrǵandardyń bir-ekeýi bizdiń aýmaqtan ótken. Sondyqtan áskerden kúsh suradyq. Bizde zalalsyzdandyrýǵa adam sany az bolyp jatyr. Búgin barlyǵyna qajetti zattardyń barlyǵyn alyp berdik, - dedi qala basshysy Rashıd Aıýpov, - dedi shahar basshysy Rashıd Aıýpov.