Elimizde koronavırýs ınfeksııasynyń budan ári taralmaýy úshin jan-jaqty keshendi sharalar qolǵa alynýda. Munyń eń ońtaıly joly kóshede jáne qoǵamdyq oryndarda adamdardyń beı-bereket júrýine shekteý qoıý. Budan bylaı almatylyq dárigerler emdelýshilerdi qashyqtan qabyldaıdy.
«Emhanalardaǵy shuǵyl qabyldaý bólimderi jumysyn jalǵastyra beredi. Degenmen, qabyldaýlar men keńes berýlerdiń basym kópshiligi qashyqtan ótkiziledi» dep málimdedi Memlekettik komıssııanyń shuǵyl shtaby.
Ekpe egý jumystary aıryqsha buıryq berilgenge deıin keıinge shegeriledi, qatty shuǵyl jaǵdaı bolmasa aýrýhanaǵa josparly túrde jatýǵa da shekteý qoıylyp otyr. Dári-dármekti tegin alyp júrgen naýqastarǵa dárilik preparattar úılerine tegin jetkizilip berilmek. Dárigerler qart adamdardyń úılerine baryp, tekserip turady. Budan ózge, qart kisilerge psıholog mamandar da jıi baryp, karantın kezindegi qaýipsizdik sharalary týraly habardar etedi.
ALMATY