«Birlese kúressek, birge jeńemiz» Bul - qazir alyp derjavalardyń saıası serti. Soǵan saı Qytaı Reseıge koronavırýstan qorǵanýǵa kómektespek. Qos memleket mıllıondaǵan qorǵanys kostıými men medısınalyq maskaǵa kelisim jasady.
Reseıdiń Indýstrııa jáne saýda mınıstrligi basshysynyń orynbasary Alekseı Grýzdevtiń aıtýynsha, medısınalyq qurylǵylar sáýir-mamyr aılarynyń basynda keledi. Grýzdev sonymen birge BAQ ókilderine Reseıde antıseptık óndirisi edáýir artqanyn aıtty. Buǵan deıin Indýstrııa jáne saýda mınıstrligi Qytaı Reseıge jalpy salmaǵy 26 tonna gýmanıtarlyq kómek jibergenin habarlaǵan bolatyn. Onyń quramyna ınfraqyzyl termometrler, maskalar, respıratorlar, qorǵanys kostıýmderi jáne basqa qorǵanys quraldary kirgen edi. Búginde qos eldiń dostyǵy kúnnen kúnge nyǵaıyp kele jatqandaı.