Elimizde ártúrli jaraqatpen aýrýhanaǵa túsken balalardyń 70 paıyzy qaraýsyz qalǵandyqtan qaýipke dýshar bolǵany anyqtalǵan. Dúnıejúzilik densaýlyq saqtaý uıymy kishkentaılardy bes mınýttan artyq qaraýsyz qaldyrmaýǵa keńes beredi. Biraq elimizdegi statıstıka basqasha.
Qazaqstanda 0-1 jas aralyǵyndaǵy sábıler ortasha eseppen – 10 mınýtqa, 1-2 jastaǵylar – 16 mınýtqa, 2-3 jastaǵylar – 33 mınýtqa, al 3-4 jastaǵy baldyrǵandar 41 mınýtqa qaraýsyz qalady eken. Al kishkentaı balalardyń ártúrli qaýip-qaterge urynyp, jaraqat alýyna bes mınýt ta jetkilikti. Qas-qaǵym sátte qandaı qaýipke urynatynyn baǵamdap ta úlgermeısiz. Sondyqtan qater aıaq astynda ekenin uǵynyp, ár ata-ana qaýipsizdik sharalaryn qatań saqtaýy kerek.
Qoǵamdyq densaýlyq saqtaý ulttyq ortalyǵynyń juqpaly emes aýrýlardyń aldyn alý departamenti bóliminiń bas mamany Qýanysh Álimbetovtiń aıtýynsha, balalardyń jaraqattanýy turmystyq, kóliktik, sporttyq dep bólinedi. Sonyń ishinde turmystyq jaraqattarǵa mektep jasyna deıingi balalar kóbirek urynady eken. Al onyń deni – qaraýsyz qalǵandyqtan bolady. Sondyqtan Qoǵamdyq densaýlyq saqtaý ulttyq ortalyǵy IýNISEF-pen birlesip, balalar jaraqatyn azaıtý maqsatynda birqatar sharýany qolǵa alǵan. Birlesken jumys sheńberinde aqparattyq-kommýnıkasııalyq strategııalar jobasy jasalyp, jaraqattanýdyń aldyn alý jáne boldyrmaý jóninde resýrstyq ortalyq ashý josparlanǵan.
Mamandar balalardyń densaýlyǵy – eń aldymen ata-analardyń qolynda ekenin, olar qaýipsizdik sharalaryn saqtap, jaýapkershilikti kúsheıtse, jaraqattanýdyń 90 paıyzyn aldyn alýǵa bolatynyn aıtady.
Qymbat TOQTAMURAT