Túrkııanyń ataqty qaqpashysy Rıýshtý Rechber koronavırýsten tolyqtaı aıyǵyp, aýrýhanadan shyqty. Bul jańalyqty estigen barsha jankúıerler qýandy.
«Rechber koronavırýs dertine shaldyqty» degen habar barsha túrkııalyq jankúıerlerge jaısyz tıdi. Ol – shyn máninde óz eliniń ulttyq batyry. 46 jastaǵy Antalıa óńiriniń týmasy 1988-2012 jyldar aralyǵynda «Antalıaspor», «Fenerbahche», «Beshıktash» jáne Ispanııanyń «Barselonasynda» óner kórsetti.1992-2012 jyldar aralyǵynda Rıýshtý Túrkııanyń ulttyq komandasynyń qaqpasyn qorǵady. Sol aralyqta 120 ret jasyl alańǵa shyǵyp, rekordtyq kórsetkishke qol jetkizdi.
Anadoly eliniń órenderi 2002 jyly álem chempıonatynda, 2003 jyly konfederasııa kýbogynda jáne 2008 jyly Eýropa birinshiliginde qola medaldi oljalaǵany kópshiliktiń esinde. Mine, dál sol kezderi qaqpany Rechber qorǵaǵan. Onyń qol jetkizgen basqa da tabystary jeterlik.
Rıýshtý Rechber aýrýhanaǵa asa aýyr halde túsken edi. Desek te Allanyń qalaýy jáne dárigerlerdiń kómeginiń arqasynda aıtýly azamat sol dertten aıyǵyp, úıine oraldy. Qazir ol bala-shaǵasynyń qasynda.