18 sáýirde AQSh-tyń Nıý-Iork qalasynda erejesiz jekpe-jekten ótetin týrnırde reseılik Habıb Nurmagomedovtyń ornyna amerıkalyq Djastın Getjıdiń shyǵatyny jaıynda UFC basshylary resmı túrde málimdedi. Al sportshy jaıynda biz ne bilemiz?
31 jastaǵy AQSh-tyń Arızona shtatynyń týmasy jeńil salmaqtaǵylar arasynda UFC reıtınginde tórtinshi orynda tur. Sporttyq karerasyn 2011 jyldyń tamyz aıynda bastaǵan ol sol kezden beri 23 kezdesý ótkizip, 21 ret jeńis toıyn toılady. Getjı tek óziniń otandastary – Eddı Alvares pen Dastın Poreden ǵana utyldy. Sońǵy úsh jekpe-jegin Djastın jeńispen aıaqtady. Bul rette Djeıms Vık, Edson Barboza jáne Donald Serroneden basym tústi.
Nıý-Iorktegi jekpe-jek keshinde Djastın Getjı Tonı Fergıýsonmen aıqasady. 36 jastaǵy Kalıfornııa shtatynyń týmasy kúni búgingi deıin 28 ret oktagonǵa shyǵyp, 25 ret jeńiske jetti.