Búgingi kúnge deıin Shveısarııada 21 758 adam koronavırýs juqtyryp, sonyń 778-i baqılyq boldy. Qaıtys bolǵandar arasynda áıgili hokkeıshi Rodjer Shappo da bar.
Shveısarııanyń shaıbaly hokkeı tarıhynda onyń esimi altyn áriptermen jazýly. Rodjer óz eliniń ulttyq quramasy sapynda 101 oıyn ótkizip, 1964 jyly Olımpııa oıyndarynda jáne úsh álem chempıonatynda baq synady. Talaı mańyzdy matchtarda óz komandasyn órge súırep, jeńiske jetýine súbeli úles qosty.
Bıyl kúzde 80 jyldyq mereıtoıyn toılaǵaly otyrǵan Rodjer Shappo 20-23 naýryz aralyǵynda aýrýhanada em-dom aldy. Syrqattyń beti beri qaraǵannan keıin úıine qaıtaryldy. Alaıda sáýir aıynyń basynda qarııanyń jaǵdaıy qaıta nasharlap, jansaqtaý bólimine tústi. Sol jerde bir aptadaı jatqan ol qaıtys boldy.