Ál-Farabı atyndaǵy QazUÝ-dyń 10 stýdenti oqý men ǵylymdaǵy aıtýly jetistikteri úshin Reseı halyqtar dostyǵy ýnıversıtetiniń (RHDÝ) «Top student mobility» stıpendııasyna ıe boldy.
«Top student mobility» baıqaýynyń maqsaty – RHDÝ-da jelilik formatta bilim alatyn stýdentterdiń akademııalyq utqyrlyq baǵdarlamalaryn damytý jáne qoldaý.
Baıqaý nátıjeleri boıynsha álemniń ártúrli elderinen - Fransııa, Avstrııa, Italııa, Ispanııa, Iran, Armenııa, Belarýs, Tájikstan jáne Qazaqstannan 30 jeńimpaz anyqtaldy. QazUÝ stýdentteri oqý úlgerimi men jobalarǵa degen ǵylymı kózqarasy úshin barlyq stıpendııalardyń úshten birine ıe boldy. Olardyń árqaısysy shamamen 250 myń teńgeden turatyn bir rettik kómek aldy, dep habarlaıdy baspasóz ortalyǵynan.
QazUÝ-dyń fızıka jáne tehnologııa, hımııa jáne hımııalyq tehnologııa, fılologııa jáne álem tilderi, geografııa jáne tabıǵatty paıdalaný fakýltetiniń stýdentterine Reseı halyqtar dostyǵy ýnıversıtetiniń arnaıy stıpendııalary berildi.