Halyqaralyq bıznes ýnıversıteti (UIB) Almaty qalasynyń mektepterine onlaın jáne qashyqtyqtan oqytý formatynda sabaq ótkizýge qoldaý kórsetedi.
Ýnıversıtettiń pılottyq jobasy Almaty qalasy Qanysh Sátpaev atyndaǵy № 56 gımnazııanyń bilim berý prosesine qoldaý kórsetý jáne onlaın-sabaqtardy ótkizýdegi tájirıbesiniń negizi bolyp tabylady. UIB mamandary onlaın formattaǵy sabaqtardy ótkizý boıynsha qosymsha quraldardy paıdalaný talap etilgen oqytý barysyn qoldaýda senimdi. Bul rette oqytý ádistemesi men oqýshylarmen qarym-qatynas formatyn mekteptiń ózi anyqtaıdy.
Qanysh Sátpaev atyndaǵy № 56 gımnazııanyń dırektory Aınur Nurpeıisova atap ótkenindeı, gımnazııanyń muǵalimderi men oqýshylary osyndaı qıyn ýaqytta onlaın-platformanyń barlyq múmkindikterin paıdalana otyryp, qashyqtyqtan bilim alý múmkindigine ıe. UIB IT-mamandary Microsoft Teams platformasyn arnaıy osy gımnazııa úshin beıimdedi. Al barlyq mektepter úshin 2000-nan astam eseptik jazbalar jasalyp, vırtýaldy klastardy qalyptastyrdy. Platformanyń árbir paıdalanýshysy úshin beınequrylymdardy ázirlep, tehnıkalyq jáne servıstik qoldaýdy júzege asyratyn bolady.
UIB ýnıversıtetiniń prezıdenti Darhan Ahmed-Zakı qashyqtan oqýdy qoldaýǵa baılanysty ýnıversıtettiń bastamasyna oraı «Sońǵy jyldary biz MBA jańa baǵdarlamalary mysalynda onlaın-oqytý kezinde bilim alýshylarmen ózara is-qımyl jasaýdyń zamanaýı ádistemesi men nysandary boıynsha mol tájirıbe jınaqtadyq. Búgin GSB UIB executive jáne MBA-da modýldi-qashyqtyqtan oqytý formattaryn usynady. Bizdiń stýdentterimizdiń áleýmettik damýy men mansaptyq ósýin uıymdastyrý úshin qajetti quzyrettilikti baǵalaý jáne qalyptastyrý arqyly qazirdiń ózinde jańa sıfrlyq servıster engizilýde: UIB_Social_development, UIB_ROS jáne UIB_Jumys. О́ziniń úshinshi mıssııasyn júzege asyra otyryp, UIB qalamyzdyń mektepteri men kolledjderine onlaın jáne EU uıymdastyrýǵa qoldaý kórsetýge daıyn», - dep atap ótti.
ALMATY