Tutas el kóleminde qanat qaqqan #Bizbirgemiz aksııasyna Almatylyq áskerı qyzmetshiler de aýqymdy úles qosýda. Qaıyrymdylyq sharasyn kezekti ret Radıoelektronıka jáne baılanys áskerı-ınjenerlik ınstıtýtynyń ujymy jalǵady. Olar Uly Otan soǵysy ardagerlerine, kópbalaly jáne az qamtylǵan otbasylarǵa azyq-túlik qoraptaryn taratty.
– Áskerı qyzmetshiler «Biz birgemiz!» aksııasy aıasynda áleýmettik jaǵynan osal januıalarǵa azyq-túlik pen birinshi kezektegi qajetti zattardy úlestirdi. Áskerı qyzmetshiler halyqpen birge jáne árqashan qoldaý kórsetedi, - deıdi qaıyrymdylyq aksııanyń mańyzdylyǵyn atap ótken áskerı ınstıtýttyń bastyǵy general-maıor Asqar Mustabekov
Aldymen muqtaj otbasylardyń tizimi jasalǵan. Tizimge 15 UOS ardagerleri jáne birqatar jaǵdaıy tómen otbasylar engen.
«Áskerı qyzmetshilerge sheksiz alǵysymdy jetkizemin. Búgingi qıyn kezde dál osy kómekke muqtaj edik. Bizdi umytpaı, elep-eskerip júrgenderińe myń alǵys», - deıdi UOS ardageri Jarkoshy Asqarbaev.