Karantın kúshine engen kúnnen bastap shaharda quqyqtyq qurylym ókilderi tynymsyz jumys istep jatyr. Olardyń sapynda áskerı ınstıtýttardyń kýrsanttary da bar. Baqylaý beketterindegi mańyzdy mindetterge jumyldyrylǵan olar túrli jaǵdaılarmen betpe-bet kelýde.
Máselen, Áskerı ınstıtýttyń tórtinshi kýrs kýrsanty Meırambek Naısekenov kezekshilik kezinde «Altyn Orda» mańynda ózine qol jumsaǵysy kelgen boıjetkendi qutqaryp qaldy. Qurlyq áskerleri Áskerı ınstıtýtynyń baspasóz qyzmetiniń málimetinshe, JOO tórtinshi kýrs kýrsanty Meırambek, azamatshanyń áreketin alystan baıqap qalǵan.
«Qarańǵyda kópirden sekirmek bolǵan qyzdyń sulbasyn kórgen kýrsant oılanbastan qutqarýǵa umtylady. Ol boıjetkenniń qolynan ustap, kópirdiń syrtqy tireýinen shyǵaryp, qaýipsiz jerge aparady. Keıin óziniń qolbasshysyna habar berip, qyzdy tynyshtandyrýǵa tyrysqan», - dep málimdedi ınstıtýttyń baspasóz qyzmeti.