Bul kıimdi birinshi kezekte Almatynyń karantındiperımetri boıyndaǵy 27 baqylaý-ótkizý beketterinde qyzmet etip turǵan polısııa qyzmetkerleri kıedi.
«Bul kıimderdi ishki ister Mınıstriniń tapsyrmasymen qylmystyq-atqarý júıesi mekemeleriniń resýrstary jasady. Búgin bizde 280 jıyntyq bar, aldaǵy ýaqytta olardyń sanyn 350-ge jetkizemiz. Baqylaý-ótkizý beketterinde qyzmet etip júrgen Almaty garnızonynyń qyzmetteri men bólimsheleriniń qyzmetkerleri qorǵanys shapandaryn kıdi. Kún saıyn olar azamattarmentyǵyz baılanysta bolady, olardyń arasynda«qaýip tobyna» kiretin adamdar da bolýy múmkin. Bul polısııa qyzmetkerleri medısınalyq qyzmetkerlermen qatar juqtyrý qaýpi óte joǵary. Olar azamattardyń densaýlyǵyn qamtamasyz etýgeúlken úles qosady. Karantındik sharalar bastalǵan sátten bastap ishki tártipti saqtaýdy qamtamasyz etetin ishki ister organdarynyń qyzmetkerleri perımetrdiń aınalasynda da, qala ishinde de medısınalyq maskalardy, bir ret qoldanylatyn qolǵaptar men antıseptıkalyq quraldardy jekeqorǵanys quraly retinde qoldana bastaǵanyn atapótemin. Polısııa barlyq qajettiliktermen tolyq qamtamasyz etilgen», deıdi Almaty qalalyq Polısııa departamentiniń basshysy QanatTaımerdenov.
Qalalyq polısııa basshysynyń aıtýynsha, Almatydaǵy karantındik is-sharalarǵa Polısııa departamentiniń jeke quramynan, Ulttyq ulan men qorǵanys mınıstrliginen alty myńǵa jýyq adamtartylǵan. Ázirlegen 997 jaıaý patrýldeýbaǵyttarynda 3 myńǵa jýyq adam qyzmet etedi.