Ǵasyrlar boıǵy zertteýlerge súıene otyryp, ǵalymdardyń bir toby kúmis bakterııany joıa ma degen suraqtyń jaýaby áli kúnge jumbaq kúıinde qalyp otyrǵandyǵyn aıtady. Osy baǵytta jumys istegen zertteýshiler bul joly kúmistiń mıkrobtarǵa qarsy turatyn zertteý nátıjesin jarııa etti.
Arkanzas ýnıversıtetiniń ǵalymdary osy úrdisti mollekýlıarlyq deńgeıde zerttegen. Kúmistiń bakterııany joıýyn mollekýlıarlyq deńgeıde zerttegen fızıka dosenti Iong Van áriptesterimen bul baǵyttaǵy ǵylymı jumystarǵa jańasha kózqaraspen qarap, zamanýı jetildirilgen zertteý nysandaryn paıdalanǵandyǵyn aıtady.
Nátıjesinde zertteýshiler kúmis ıondarynyń bakterııalardy joıatyn ereksheligin anyqtaǵan. Kúmis ıondary bakterııalarda DNQ jup talshyqtaryn bólýge yqpal etken. Nátıjesinde DNQ men belok arasyndaǵy baılanys álsiregen. Aqýyz DNQ-men birge bolǵan jaǵdaıda, ol baıaý jyljıdy. Al kúmis qosylǵan kezde aqýyzdar DNQ-dan ajyrap, ózdiginen qozǵalǵan. Dosent Iong Van osy joba aıasynda kóz jetkizgen málimetterdi paıdalaný úshin kúmis nanobólshekteri negizinde antıbıotıkter ázirleý qajettigin usynyp otyr.