Pandemııanyń aıaqtalyp, adamzattyń qalypty ómir súrý jaǵdaıyna oralý kezeńine baılanysty reseılik sarapshylar óz boljamdarymen bólisti. Karantınniń jyldam aıaqtalyp, pandemııanyń tómendeýine alańdap otyrǵan jurtshylyq úshin mundaı boljamdardyń qaı-qaısysy bolsa da mańyzdy. Reseı FMBA bas ınfeksıonısi V.Nıkıforov jaǵdaıdyń qalypqa túsýi úshin áli de eki aı merzim kerektigin aıtady, dep habarlaıdy Woman.ru.
Alaıda, odan da erte merzimde aıaqtalýy múmkin degen «HımRar» farmasevtıkalyq kompanııalar tobynyń basqarma tóraǵasy A.Ivashenko jaǵdaıdyń mamyr aıynda turaqtanady degen pikirimen bólisti. Onyń aıtýynsha, pandemııanyń tómendeý kórsetkishteri osylaı jalǵasyn tabatyn bolsa, onda mamyr merekelerine qaraı karantın merziminen shyǵýǵa bolady. Biraq, ınfeksııalarǵa maýsymdyq kezeńder tán ekenin eskeretin bolsaq, vırýs araǵa bir-eki jyl salyp qaıta oralady. Degemen onyń áseri dál osy jolǵydaı bolmaıdy.