Koronavırýs indeti saldarynan karantın jarııalanyp, alǵash ret álemniń 165 eli qashyqtan oqýǵa kóshkeni barshamyzǵa belgili. Adamzat tarıhynda alǵash ret dúnıejúzinde balalardyń ómir súrý daǵdysy men bilim berý uıymy bir mezgilde ózgerip otyr.
Qashyqtan bilim alýǵa kóshý barlyq jerde, tipti ekonomıkasy damyǵan elderdiń ózinde de ońaıǵa soǵyp jatqan joq. О́ıtkeni, kompıýterler men bilim berý salasyndaǵy aqparattyq tehnologııalardyń jetkiliksizdigi, ol úshin eń aldymen qashyqtan oqytý ádistemesi bolýy, ınfraqurylymnyń damýy, paıdalanýshylardyń jyldam ınternetpen qamtylýy, kompıýterlik saýattylyq jáne t. b. kerek.
Esterińizge sala keteıik, «Kúndelik» elektrondyq jýrnaldar men kúndelikter» júıesi 2,9 mıllıonnan astam oqýshyǵa, 2,2 mıllıon ata-anaǵa jáne 340 myń muǵalimge qyzmet kórsetedi.
– 16 naýryzda qashyqtan oqytýǵa kóshý týraly habarlanǵannan bastap, bizdiń ujym kúni-túni jumys istedi. Biz qyrýar jumys atqardyq. Qashyqtan oqý jaǵdaıynda júıemen jumys isteý prosesin kórsetetin 28 nusqaýlyq pen beıne sıpattama daıyndaldy. Eki apta ishinde baılanys arnasyn keńeıtý jáne shekten tys joǵary júktemeni eńserý úshin júıege qajet qosymsha jabdyqty usyný qajettigin tıisti memlekettik organdar men uıymdarǵa jetkizýmen boldyq. О́kinishke qaraı, bul mańyzdy ınfraqurylymdyq máseleler oqýdyń bastalýyna 2-3 kún qalǵanda sheshildi. 6 sáýirdegi jaǵdaı osy is-sharalardyń barlyǵy tekke ketpegenin kórsetti: kundelik.kz júıesi sol kúni traffık boıynsha Qazaqstanda YouTube jelisin paıdalanýshylar men osy jelige kirýshilermen teńdeı boldy, – deıdi kundelik.kz kompanııasynyń ujymy.
Sonymen, qashyqtan bilim berýdiń alǵashqy kúni kundelik.kz saıtyna 2,2 mıllıonnan astam adam kirgen, olardyń saıtqa kirýi 3,17 mln bolsa, better men ishki bólimder boıynsha 48,7 mln boldy! Qazaqstandaǵy ınternettiń damý tarıhynda otandyq resýrsqa táýliktik júkteme eshqashan mundaı bolmaǵan shyǵar. Tańǵy saǵat 9: 30-da saıtta bir mezgilde 60 myń biregeı paıdalanýshy otyrdy. Mundaı júkteme Internet jelisi nashar ustaıtyn alys aýyldardaǵy paıdalanýshylarǵa qıyndyq týǵyzdy. 6 sáýir kúni saıtty paıdalanýshylardyń shamamen 20%-y osyndaı problemamen betpe-bet kelgen. Biraq júıeniń jumysy toqtaǵan joq.
6, 7 jáne 8 sáýir kúnderi kompanııanyń tehnıkalyq mamandary túngi ýaqytta serverler men derekterdi saqtaý júıelerin keńeıtip, baǵdarlamalyq jasaqtaý jumysyn jaqsartyp otyrdy. Júıege 5 Megabaıtqa deıingi faıldardy ǵana júkteý sııaqty shekteý engizýge týra keldi. Bizdiń qoldaý kórsetý qyzmetine paıdalanýshylar jibergen ótinishterdiń tehnıkalyq monıtorıngi men statıstıka kúsh-jigerimizdiń tekke ketpegenin kórsetip otyr.
Sonymen qatar, Qazaqstandaǵy kez kelgen ınternet resýrs sııaqty kundelik.kz portalynyń da jumysy qurylǵylarǵa, ıaǵnı smartfondar, kompıýterler jáne planshetter arqyly kiretin paıdalanýshylardyń ınternet jyldamdyǵyna tikeleı baılanysty ekenin atap ótken jón. Osyǵan oraı ınternetke qosylýdy qamtamasyz etýge jaýapty árbir adam óziniń kásibı qyzmeti deńgeıinde siz turatyn óńir men eldi mekendegi ınternettiń múmkindigi men naqty jyldamdyǵyn baǵalaýy tıis. Internet jelisi durys bolmaǵany úshin ǵana aýyldyq aımaqtaǵy muǵalimder men balalar úshin qashyqtan oqý qıyndyq týdyrmaýy tıis!
– Sonymen birge, bizdiń kompanııanyń ádisker mamandary osy kúnderi áriptestermen jáne ýákiletti memlekettik organ ókilderimen, jeke kompanııalarmen birlese otyryp, kundelik.kz arqyly oqý kontenti, beınesabaqtar jáne basqa da materıaldardy usyný boıynsha úzdiksiz jumys istedi. Jetekshi mektepterdiń muǵalimderine jáne Almaty qalasy bilim departamentiniń qyzmetkerlerine, Daryn.Online, Opiq.kz kompanııalaryna osy qıyn kúnderi bilim berý kontentin usynǵany úshin alǵys bildiremiz. Bul materıaldardy kundelik júıesinen kórýge bolady jáne elimizdiń muǵalimderi ony oqý úrdisinde paıdalana alady. Bizdiń osy kúsh-jigerimiz qashyqtan bilim berý prosesin qamtamasyz etýge, oqýshylardyń bilim alýyna jáne muǵalimderdiń bilim berýine kómektesýge baǵyttalǵan!
Biz kásibı túrde bilim berý kontentin jasaýmen aınalysatyn kez kelgen kompanııany yntymaqtasa jumys isteýge shaqyramyz. Olardyń jasaǵan kontentin óz alańymyzda ornalastyrýǵa daıynbyz, – kundelik.kz kompanııasynyń ujymy.
Qysqa ýaqyt ishinde qıyn jaǵdaıǵa beıimdelýdi jáne soǵan oraı tez áreket etýdi úırengen Qazaqstan muǵalimderiniń qajyrly eńbegin, shydamy men tózimin atap ótken jón.
Kundelik.kz kompanııasynyń ujymy ata-analardyń róline de joqqa shaǵyrmaıdy.
– Qymbatty ata-analar, ata-ájeler, sizderge de ádettegiden góri shydamdy bolýǵa týra keledi. Balalaryńyz ben nemerelerińizge qoldaý bildirip, súıispenshilikpen jáne meıirimmen qarańyzdar! Sizder olarǵa bolashaqtyń irgetasyn qalaýǵa kómektesesizder, olarmen birge bilimniń negizin qalaısyzdar. Bilimdi urpaqtan-urpaqqa jetkizý degenimizdiń ózi – adamzattyń gýmanıtarlyq mıssııasy! Sonda ǵana balalaryńyz aqyldy azamat bolyp ósedi!
Osy 5 kún ishinde muǵalimder men ata-analar tarapynan túrli pikir aıtyldy. Osyǵan oraı júıeli syndy durys qabyldaıtynymyzdy, júıeni jaqsartý úshin úzdiksiz jumys isteıtinimizdi aıtqymyz keledi.
Sizder osy mátindi oqyp otyrǵan ýaqytta Kundelik.kz jobasynyń komandasy elimizdiń pedagogıka ujymdarymen, tehnıkalyq mamandarmen, beıindi mınıstrlikterdiń qyzmetkerlerimen, baılanys operatorlarymen, qazaqstandyq IT kompanııalarmen birge Qazaqstanda qashyqtan oqytýdyń tabysty jumys isteýi jáne onyń qoljetimdi bolýy úshin barlyq kúsh-jigerin jumsap otyr, deıdi kundelik.kz kompanııasynyń ujymy.
ALMATY