Sońǵy onjyldyqta balalar eńbegin qanaý kórsetkishteri artqan. Oǵan dálel retinde álemdegi eń iri kakao tasymaldaýshysy bolyp tabylatyn Afrıkadaǵy Kot-d'Ivýar jáne Gana palntasııalaryndaǵy jaǵdaıdy negizge alýǵa bolady. Reuters AQSh-tyń Eńbek mınıstrligi qarjylandyryp otyrǵan baıandama negizindegi málimetterge súıene otyryp, ótken maýsymda Batys Afrıka elderindegi plantasııalarda 2 mıllıonnan astam balanyń jumysqa jegilgendigin alǵa tartady.
Málimetter Chıkago ýnıversıtetiniń zartteýshilerimen jınalǵan. Joba zertteýshileriniń málimeti boıynsha, balalar eńbegin paıdalaný osydan on jyl burynǵy kezeńnen aıtarlyqtaı ósken. 2013/14 jyldarmen (44%) salystyrǵanda 2018/19 jyldardaǵy kórsetkishter (46%) ulǵaıǵan. Asa qaýipti jumystardaǵy kórsetkishter 42% quraıdy. Zertteýshilerdiń pikirinshe, balalar eńbegin paıdalaný derekteri keń etek alyp barady. Sońǵy ýaqytta Mars, Hershey, Nestle, Cargill kompanııalary bıylǵy jyly Batys Afrıkada balalar eńbegin paıdalanýdy 70%-ǵa deıin qysqartýǵa mindeteme alyp otyr. Degenmen halyqaralyq uıymdardyń áreketi negizinde balalar eńbegin paıdalaný kórsetkishteri eki esege deıin azaıǵandyǵy baıqalady.