Belarýs elinde qazirgi kezde vırýs juqtyrǵan medısınalyq qyzmetkerlerdiń sany 300-den asqan. Olardyń kópshiligi Vıtebski men Mınıskide tirkelgen. Prezıdent A.Lýkashenko halyqaralyq sarapshylardy shaqyrý týraly sheshim qabyldaǵannan keıin úsh kún boıy el aýmaǵynda mıssııasyn júzege asyrǵan DDSU mamandary bul eldegi koronavırýstyń taralý aýqymyn anyqtaý boıynsha jumystar júrgizdi. Al Eýropalyq odaq Belarýs Respýblıkasyna 60 mln eýro kóleminde kómek berýdi josparlap otyr. Budan buryn málim bolǵanyndaı, Belarýs bıligi gýmanıtarlyq jáne ekonomıkalyq kómek surap Eýro odaq nazaryn aýdarǵan-dy
DDSU mıssııasynyń basshysy Patrık O'Konnor Belarýs elindegi ahýalǵa qatysty araqashyqtyqty saqtaýda karntın nemese komandant saǵatyn engizý mindetti emes degen usynysyn aıtty. Degenmen de koronavırýstan týyndaǵan jaǵdaılardy basshylyqqa ala otyryp, qashyqtan oqytý, sozylmaly aýrýlary bar eresek turǵyndardy oqshaýlaý, t.b. jappaı ótetin sharalardy toqtatý qajettigin atap ótti.
Eldiń Densaýlyq mınıstri V.Karanık qazirgi kezde qatań karantın sharalaryn engizýdiń qajet emestigin quptap otyr. Eger de árbir azamat jeke qaýipsizdigine nazar aýdaryp, áleýmettik araqashyqtyqty saqtaıtyn bolsa, vırýsty jappaı juqtyrýdyń aldyn alýǵa bolady.