Osydan 17 kún buryn Aqtaý halyqaralyq áýejaıynda Túrkııadan tranzıtpen ushyp kelgen 46 jastaǵy azamat koronavırýs juqtyryp, jergilikti ınfeksııalyq aýrýhanaǵa jatqyzylǵan bolatyn. Tıisti em-dom sharalaryn alyp, tolyq aıyǵyp shyqty. Dárigerler úıine qaıtardy. Oblys ákimdiginiń uıymdastyrýymen arnaıy taksı Oral qalasyndaǵy úıine deıin jetkizedi. Sonymen qatar, onymen birge ushyp kelgen 22 jolaýshy da úılerine jiberildi. Bul týraly Mańǵystaý oblysynyń qoǵamdyq kommýnıkasııa ortalyǵy habarlady.
Qaırat Hasanov jeke sharýamen Túrkııaǵa barǵan Oral óńiriniń týmasy kimnen jáne qandaı jaǵdaıǵa «Covid-19»vırýsyn juqtyrǵanynan beıhabar. Aqtaý áýejaıynan túse salysymen teplovızor onyń boıynda qyzý baryn kórsetken. О́ńir dárigerleri ony birden aýrýhanaǵa jetkizip, synama alǵan. Nátıjesinde, saraptama oń kórsetkish kórsetip, naýqastyń koronavırýs juqtyrǵany belgili boldy.
-Rasyn aıtý kerek, basynda qatty aýyrdym. Dirildep, qyzýym kóterildi. Al, qazir esh jerim aýyrmaıdy, ózimdi jaqsy sezinemin. Ári qaraı ózimdi kútemin. Indetti jeńý úshin qoldan kelgenshe kúresý kerek, úmit úzbegen durys. Dárigerlerge, medbıkelerge, sanıtarlyq qyzmetkerlerge alǵysym sheksiz. Rahmetimdi aıtamyn. Medısına qyzmetkerleriniń jyly sózi men qarym-qatynasy meni jigerlendirip, jazylyp shyǵýyma septigin tıgizdi dep aıta alamyn, dedi emdelip shyqqan alǵashqy naýqas.
Mańǵystaý oblystyq ınfeksııalyq aýrýhanasynyń meńgerýshisi, shtattan tys bas ınfeksıonısti Gúlbaný Nurjanovanyń aıtýynsha, naýqasty emdeý kezinde dárigerler vırýsqa qarsy terapııa joldaryn qoldanǵan. QR Densaýlyq saqtaý mınıstrligimen bekitilgen klınıkalyq hattama negizge alynǵan. Qytaıdan elimizge kelgen tájirıbeli mamandardyń beınekonferensııa arqyly bergen keńesteri de eskerilgen.
Aıta keteıik, dárigerler Q.Hasanovtan jalpy úsh ret synama aldy. Sońǵy ekeýi teris nátıje kórsetip, boıynda «Covid-19» vırýsy anyqtalǵan joq. Sońǵy bir aptada qyzýy kóterilmegen. О́zin jaqsy sezinedi. Endi, Qaırat Hasanov Oral qalasyndaǵy úıinde 14 kúndik karantınde bolady.
Dál qazir Aqtaýdaǵy oblystyq ınfeksııalyq aýrýhanada koronavırýs juqtyrǵan 4 naýqas em alýda. Bir pasıenttiń jaǵdaıy aýyr, jasandy tynys alý apparatyna qosylǵan. Qalǵan úsh áıeldiń jaǵdaıy qanaǵattandyrarlyq.
Jalpy, qazirgi ýaqytta Mańǵystaýda koronavırýs indetin juqtyrǵan adamdar sany – 9
Aqtaý qalasynda – 4
Jańaózende – 2
Mańǵystaý aýdanynda - 3
Jazylyp shyqqan – 1