El ishin kesel keýlep ketpeýi úshin basyn qaterge tigip eńbek etip júrgen Syr boıy dárigerleri ústemaqy ala bastady.
Memleketttiń bul qoldaýyna osy indetke shaldyqqandar kóp tirkelgen óńirdiń biri Jańaqorǵan aýdany dárigerleri rızashylyqtaryn jetkizýde.
– Qazir Jańaqorǵan aýdandyq aýrýhanasynyń 7 dárigerine, 14 orta býyn jáne 11 kishi býyn qyzmetkerine 2 jarym mıllıon teńgeden astam ústeme qarjy tólendi, – deıdi aýdanaralyq aýrýhananyń bas dárigeri Iаhııa Shorabaev.Sonymen qatar, osy aýdandaǵy Kóktóbe, Besaryq tosqaýyl beketterindegi 41 orta býyn medısına qyzmetkerine 1 134 633,59 teńge aýdarylǵan.
Bul aýdanda dert juqtyrǵan alǵashqy naýqas 30 naýryz kúni tirkelgen bolatyn. Qazir anyqtalǵan18 naýqastyń segizi oblystyq juqpaly aýrýlar aýrýhanasynda, ony aýdandyq juqpaly aýrýlar bólimshesinde em alýda.