Memlekettik baǵdarlamalar aıasynda berilgen 5,8 mlrd teńge nesıe tólemi keıinge qaldyryldy. Bul týraly oblystyq Kásipkerler palatasy dırektorynyń orynbasary Qojahmet Ilııasov aıtty.
Qazir palatanyń Sall-ortalyǵyna bıznes ókilderinen túsken saýaldarǵa túsindirme jasalyp, keıbir máseleler qarjy uıymdaryna joldanýda.
– Oblystyq kásipkerler palatasy Memleket basshysynyń shaǵyn jáne orta bızneske berilgen nesıeniń negizgi qaryzy men syıaqysyn tóleý merzimderin keıinge qaldyrý týraly tapsyrmasyna sáıkes ekinshi deńgeıli bankter jáne qarjy uıymdarymen júıeli jumystar júrgizýde. «Bıznestiń jol kartasy - 2025», «Qarapaıym zattar ekonomıkasy», «Eńbek» baǵdarlamalary aıasynda jeńildetilgen nesıe alǵan kásipkerlerdiń jalpy somasy 5,8 mlrd teńge bolatyn nesıe tólemi keıinge qaldyryldy, – dedi palata dırektorynyń orynbasary.
Kásipkerler palatasynyń senimgerlik basqarýyndaǵy «Qyzylorda» О́ńirlik ınvestısııalyq ortalyǵy» da kelip túsken ótinishter boıynsha jedel sharalar qabyldaýda. Sonyń nátıjesinde búgingi kúnge deıin О́ńirlik ortalyqtan qarjy alǵan 99 jobanyń 35,3 mln teńge tólemi keıinge qaldyryldy.
Sondaı-aq, tótenshe jaǵdaı kezeńinde kásipkerlerge ekinshi deńgeıli bankter de jeńildikter jasaý arqyly qoldaý kórsetip otyr. Búgingi kúnge deıin bankter men qarjy uıymdaryna bıznesmenderden túsken 1254 ótinimniń 818-i maquldanyp, ótinishteri qanaǵattandyrylǵan.