Almatynyń ákimshilik soty tótenshe jaǵdaı rejımin buzýǵa qatysty bir táýlikte 93 isti qarady. Ákimshilik quqyq buzýshylyq týraly kodeksiniń 476-babyna sáıkes, shahardyń mamandandyrylǵan aýdanaralyq ákimshilik soty tártipke baǵynbaǵan birqatar azamattarǵa aıyppul arqalatqan. Sońǵy eki aptada 10 adam ákimshilik qamaýǵa alynsa, 61 adamǵa aıyppul salynǵan. Sondaı-aq 22 turǵynǵa eskertý jasalypty.
«28 naýryzdan bastap 604 adam kóshede sebepsiz júrgeni úshin ákimshilik jaýapkershilikke tartyldy, onyń altaýy qamaýǵa alyndy, 52-sine aıyppul salyndy, 17 adamǵa eskertý jasaldy. Baqylaý-ótkizý beketterin aınalyp ótip, qalaǵa kirý tártibin buzǵany úshin 18 adam jaýapqa tartyldy», – deıdi Almaty qalalyq PD basshysynyń birinshi orynbasary Nurlan Almasbekov.