Buǵan deıin eki kún boıy tolassyz jaýǵan nóser saldarynan almatyda sel qaýpi týyndaǵanyn aıtqan edik. Tótenshe jaǵdaıǵa jaýapty mamandar osy turǵyda naqty qandaı is-sharalar qolǵa alynǵanyn habarlady.
Megapolıste sel qaýpin seıiltý maqsatynda kesheli beri merdigerlik uıymdar men aýdandyq ákimdik qyzmetkerleriniń kúshimen táýliktik kezekshilik uıymdastyrylǵan.
О́tken túnde sý basý boıynsha 16 jaǵdaı tirkeldi. Sonyń ishinde qala aýmaǵyndaǵy 13 aýla men 3 kósheni sý basty.
Sondaı-aq, Jetisý aýdanyna tıesili Raıymbek dańǵyly men Jeltoqsan kósheleriniń qıylysynda apatty jaǵdaıda turǵan aǵash qulap, joldy jaýyp qalǵan.
Qalalyq qutqarý qyzmetiniń ókilderi apattyń saldary joılǵanyn jetkizdi.Túngi ýaqyttaǵy jumystarǵa 164 adam, 99 birlik arnaıy tehnıka jáne 31 motopompa jumyldyryldy.
Tańerteńnen bastap sýdy bógetsiz ótkizý jáne aǵyzýdy qamtamasyz etý jumystaryn uıymdastyrý úshin 779 adam, 276 birlik arnaıy tehnıka jáne 32 birlik motopompa iske qosyldy.
Bul jumystarǵa barlyǵy 880 dana qum salynǵan qapshyqtar paıdalanylǵan.