Qyzylorda qalasynyń №2 sotynda Qazaqstan Respýblıkasynyń QK-niń 190-babynyń 3-bóligi 1-tarmaǵymen alaıaqtyqqa qatysty qylmystyq is qaraldy. Bul týraly oblystyq prokýratýranyń saıtynda jarııalandy.
Is qujattaryna sáıkes, buryn alaıaqtyq úshin sotty bolǵan azamat Almaty qalasyna baryp, 20 myń teńgege jalǵan jeke kýálik jasatady. Birneshe kún ótkennen keıin ózge bireýdiń atyna daıyndalǵan osy jeke kýálikti alyp, sonyń atynan quqyq beretin jalǵan resmı qujatpen Qyzylorda qalasyndaǵy bank fılıalyna keledi. Bank qyzmetkeriniń senimin teris paıdalanyp, nesıe rásimdeý arqyly 4 874 000 teńgeni qaltasyna basady.
Jalǵan qujat arqyly nesıe alyp, óz qajetine jaratqan azamat Qazaqstan Respýblıkasynyń QK-niń 190-babynyń 3-bóliginiń 1-tarmaǵymen kináli dep tanylyp, 4 jyl 6 aıǵa bas bostandyǵynan aıyryldy.