«Astana» halyqaralyq qarjy ortalyǵy (AHQO) Qazaqstannyń zań qoǵamdastyǵy ókilderimen jumys kezdesýin uıymdastyrdy. Is-sharanyń maqsaty – jergilikti zańgerlermen ózara is-qımyldy nyǵaıtý, sonymen qatar AHQO-nyń qyzmetine qatysty ózekti máselelerdi talqylaý úshin pikirsaıys alańyn qurý.
Jumystyq kezdesý Baker McKenzie seriktesi A. Korobeınıkova, «KazBar» Zań konsýltanttary palatasynyń tóraǵasy J.Elýbaeva sııaqty jetekshi zań fırmalarynyń basshylaryn bir alańǵa jınady. AHQO tarapynan sharaǵa AHQO Quqyq akademııasynyń múshesi I. Rogov, AHQO Basqarma tóraǵasynyń birinshi orynbasary M. Áıtenov jáne AHQO Bırjasynyń ókili qatysty, dep habarlaıdy Baspasóz qyzmeti.
Kezdesýge qatysýshylarǵa AHQO-nyń aǵymdaǵy jetistikteri men 2020 jylǵa josparlary týraly aqparat berildi. Sonymen qatar, AHQO-nyń ıýrısdıksııasy men ony qoldanýǵa qatysty praktıkalyq máseleler talqylandy. Atap aıtqanda, AHQO quqyqtyq júıesindegi jumystyń erekshelikteri, memlekettik kompanııalardyń Halyqaralyq tórelik ortalyǵyndaǵy sot prosesterine qatysý múmkindikteri, AHQO-da baǵaly qaǵazdarmen jasalatyn mámilelerdi retteý jáne t.b. máseleler talqyǵa tústi.
Kezdesýde qatysýshylar aqparatpen jáne AHQO jumys tájirıbesimen almasty, sondaı-aq qyzyqtyrǵan suraqtaryna jaýaptar aldy. Bul kezdesý ózi kezeginde AHQO men Qazaqstannyń zań qaýymdastyǵy arasyndaǵy ózara tıimdi qatynastardyń damýyna jańa serpin beredi.
ALMATY