Sońǵy táýlikte Qyzylordada indetke shaldyqandar qatary taǵy 8 adamǵa ósip, naýqastardyń jalpy sany 132 adam boldy. Bul týraly óńirlik kommýnıkasııa qyzmeti alańynda brıfıng ótkizgen oblystyq densaýlyq saqtaý basqarmasynyń basshysy Jaqsylyq Ábdisámetov habarlady.
- Jańadan anyqtalyp otyrǵan 8 naýqastyń altaýy Qyzylorda qalasynda, bireýi Jańaqorǵanda, taǵy biri Qazaly aýdanynda tirkelgen. Jańaqorǵandyq osyǵan deıin indetke shaldyqqan adammen qarym-qatynas jasaǵandar qatarynda baqylaýda bolǵan. Al Qazaly aýdanynyń turǵyny poıyz jolserigi bolyp shyqty, – dedi Jaqsylyq Ábilqasymuly.
Basqarma basshysy turǵyndardyń áli de karantın talabyna tolyq moıynsunbaı otyrǵanyn atap ótti. Mysaly, shekteý sharalaryna qaramastan 30 naýryz kúni oblys ortalyǵynda kishigirim shara ótken. Búgin tirkelip otyrǵan 6 naýqas ta sol sharaǵa qatysqandar arasynan anyqtalyp otyr.