Royal Flora Holland gollandııalyq florıster konglomeraty satý bóliminiń bastyǵy Fred van Tol satý maýsymy kezinde «koronavırýs qyzǵaldaq alqaptaryna da keldi», dep dabyl qaqty. Qaýymdastyq málimetteri boıynsha, maýsymdaǵy tórt aptanyń qorytyndysyna sáıkes satý deńgeıi ótken jylmen salystyrǵanda elý paıyzǵa tómendegen.
Qazirgi kezde koronavırýs pandemııasynyń gúl naryǵyna tıgizgen zalalyna nıderlandtyq óndirýshiler qatty alańdaýshylyq bildirip otyr. New York Times derekterine súıenetin bolsaq, pandemııannyń zalalynan Nıderlandııa kompanııalarynda 400 mln gúl, onyń ishinde 140 mln gollandııalyq qyzǵaldaqtar joıylǵan.
Bıylǵy jyly josparlanǵan Keukenhof gúl parki de ashylmaıtyn boldy. Onyń shyǵyny 25 mıllıon dollardy qurap otyr. Degenmen, park qyzmetkerleri gúlderge kútim jasaýdy doǵarǵan joq. Sondyqtan kóktemniń alqyzyl keremetterin ınternet arqyly qyzyqtaýǵa bolady. Osy oraıda Keukenhof-tyń basqarýshy dırektory Bart Sımerınk «COVID-19 koronavırýs ınfeksııasynyń taralýyna baılanysty úıde bolýǵa májbúr bolǵan adamdardy qýantý úshin qoldan kelgenniń bárin jasaımyz», - deıdi.
Mundaı shyǵyndar tek gúl naryǵyn ǵana emes, jylyna mıllıondaǵan týrıster tamashalaıtyn Lıssadaǵy qyzǵaldaq, sondaı-aq gıasınt jáne dafodılder sııaqty álemge áıgili alqaptardy da aınalyp ótpedi.