Qazaqstandaǵy kólik jáne logıstıkalyq ónerkásip shyǵyndary 300 mlrd teńgeden asyp otyr. Búginde 570-ke jýyq kólik-logıstıkalyq kompanııalar men qaýymdastyqtardy biriktirip otyrǵan «KAZLOGISTICS» Qazaqstan kólik odaǵynyń málimetteri boıynsha aǵymdaǵy jyldyń úsh aıynda Qazaqstandaǵy barlyq kólik túrlerimen júk tasymaldaý kólemi 843,9 mln tonnany quraǵan.
Kórsetkish ótken jyldyń sáıkes kezeńimen salystyrǵanda 3,4%-ǵa tómen. Al júk aınalymy ótken jylǵy osy merzimmen salystyrǵanda 1,4% tómendep, 137,5 mlrd teńgeni qurap otyr.
Búginde álemdik naryqtaǵy Qazaqstannyń kólik-logıstıkalyq yqpaldastyǵyn júzege asyryp ári ınnovasııalardy engizý, aımaqtaǵy mýltımodaldy transportty damatýǵa yqpal etip otyrǵan «KAZLOGISTICS» málimetteri sonymen qatar bıylǵy jyldyń birinshi toqsanynda 5386,6 mln jolaýshy tasymaldanǵanyn kórsetedi. Kórsetkish ótken jylmen salystyrǵanda 2,4% tómen. Jolaýshy aınalymy 65,4 mlrd qurap, ótken jylǵy osy kezeńmen salystyrǵanda 4,1% az.
Nátıjesinde transport jáne qoıma sharýashylyǵyndaǵy JIО́ 1%-ǵa tómendep, shamamen 5472996,51 mln teńgeni qurap, sáıkesinshe kásiporyndardyń da kirisi de aıtarlyqtaı azaıady, delingen aqparattyq málimdemede.