Halyqaralyq konkımen júgirýshiler odaǵy (ISU) koronavırýsqa baılanysty keıinge shegergen short-trekten álem chempıonatyn ótkizbeıtin bolyp sheshti. Osylaısha sportshylar bıylǵy maýsymdy álem chempıonatynsyz qorytyndylaýǵa májbúr.
Naýryz aıynda ótýi tıis bolǵan álemdik doda aldymen belgisiz ýaqytqa keıinge shegerilgen bolatyn. Alaıda, ISU atqarýshy komıteti koronavırýs indeti órshigen shaqta álem birinshiligin ótkizýdiń aqylǵa qonbaıtynyn aıtty. Short-trekten bıylǵy álem chempıonatyn Ońtústik Koreıanyń Seýl qalasy qabyldaýy tıis edi.
Aıta keteıik, short-trekten bıylǵy Álem kýbogynda Qazaqstan quramasy bir júldege qol jetkizdi. О́tken jyldyń 2-3 qarashasynda AQSh-tyń Solt-Leık-Sıtı qalasynda ótken maýsymnyń alǵashqy kezeńinde otandasymyz Abzal Ájǵalıev 500 metrge jarysta jankúıerlerdi qola júldemen qýantqan bolatyn.