16 sáýir kúni Ulttyq akademııalyq kitaphanasy jas aqyn Baýyrjan Igilikpen «Qus qanaty» atty onlaın kezdesý ótkizdi. Atalǵan joba Mádenıet jáne sport mınıstrliginiń qoldaýymen jáne «Jastar Kovorkıng» ortalyǵynyń uıymdastyrýmen ótip otyr.
Onlaın kezdesý barysynda jas aqyn ómiri men shyǵarmashylyǵy jaıynda aıta kele, óleńderin oqyp, kórermenderdiń suraqtaryna jaýap berdi. Qolyna gıtara alyp, án de aıtyp berdi. Sondaı aq, kitap oqýǵa qatysty óz pikirin de bildirdi.
- Men bala kezden kitap oqýdy súıip óstim. Memleket tulǵalardan turatyn bolǵandyqtan keıin, kitapsyz ómir súrý múmkin emes. Jumyr jerdiń betindegi jumyr basty pende jumyr júregimen, jumyr basymen rýhanı damýy kerek. Sol sebepten úzdiksiz rýhanı damý úshin kitap oqýymyz kerek. San myńdaǵan ǵasyrlar boıy órkenıetti jyljytatyn adamzat balasy bolsa, al adamzat balasyn aldyǵa jyljytatyn ol kitap. Kitap degenimiz ne? Ol bilimdarlar men kóregenderdiń ómirden túıgenin janymen sezgenin, kózi ábden jetkenin, dúnıetanymyn syǵymdap turyp jazǵan eńbegi. Bizdiń osy ýaqytqa deıin damyp kele jatqanymyzdyń bári tom-tom kitaptardyń arqasy.
Sondaı aq, jas aqyn bolashaqta oqıtyn kitaptardy qalaı tańdaý qajettigin jáne onyń oılaý júıesine áser etetinin, erte kezden kele jatqan kitap oqýdy ádetke aınaldyrý kerektigin de tilge tıek etti.