Qyzylordada qoǵamdyq tártip pen azamattardyń qaýipsizdigin qamtamasyz etý maqsatynda júrgizilip jatqan qatań sharalarǵa qaramastan tótenshe jaǵdaı rejimin buzý derekteri baıqalyp qalyp jatyr. Bul týraly oblystyq Polısııa departamentiniń baspasóz qyzmeti habarlady.
14 sáýir kúni saǵat 11:30 shamasynda Syrdarııa aýdany Aqjarma aýylynda balabaqsha meńgerýshisi ujymyn senbilikke shaqyrǵan. Senbilikten keıin ujym qyzmetkerlerdiń biriniń týǵan kúnin atap ótýdi uıǵaryp, dastarhan jaıyp, kesh uıymdastyrady.
Tótenshe jaǵdaı kezinde eskertýlerge qulaq aspaǵan balabaqshanyń 15 qyzmetkerine qatysty Qazaqstan Respýblıkasy Ákimshilik quqyq buzýshylyqtar týraly kodeksiniń 476-babynyń 6-bóligi boıynsha ákimshilik hattama toltyrylyp, tıisti sheshim qabyldaý úshin jınaqtalǵan qujattar sotqa joldandy.