Túrkistan oblysynyń jurtshylyǵy, zııaly qaýym aýyr qazaǵa dýshar boldy. Sanaly ǵumyryn oblystyń ekonomıkasy men áleýmettik damýyna arnaǵan abzal azamat, Ordabasy aýdanynyń ákimi О́serbaev Álipbek Sháripbekuly 58 jastan asqan shaǵynda mezgilsiz dúnıeden ozdy.
Álipbek Sháripbekuly 1961 jyly 20 tamyzdaburynǵy Ońtústik Qazaqstan oblysy, Qyzylqum aýdany, Baltakól aýylynda sharýa otbasynda dúnıege kelgen. 1983 jyly Qazaq hımııa-tehnologııalyq ınstıtýtyn bitirgen. Mamandyǵy boıynsha – hımık-tehnolog.
Eńbek jolyn 1983 jyly Qaraǵandy asbest-sement ónimderin shyǵaratyn zaýytynyń mashınısti bolyp bastaǵan. 1983-2005 jyldary qurylys salasynda eńbek etip, 2007 jyldan búgingi kúnge deıin Túrkistan qalasy ákimdiginiń qurylys bóliminiń meńgerýshisi, Kentaý qalasy ákiminiń orynbasary, Túrkistan qalasy ákiminiń orynbasary, Túrkistan qalasynyń ákimi, Ońtústik Qazaqstan oblysy kásipkerlik jáne ındýstrııaldy-ınnovasııalyq damý basqarmasynyń basshysy, Ońtústik Qazaqstan oblysy ákiminiń birinshi orynbasary, Túrkistan qalasynyń ákimi, Ordabasy aýdanynyń ákimi qyzmetterin abyroımen atqardy.
Qoǵamǵa sińirgen eńbegi úshin Álipbek О́serbaev birneshe memlekettik nagradalarmen marapattaldy. Onyń ishinde «Astanaǵa 10 jyl», «Qazaqstan Respýblıkasynyń Táýelsizdigine 25 jyl» merekelik medaldary men «Qurmet» ordeninińıegeri.
Álipbek Sháripbekuly qandaı da bir jaýapty memlekettik qyzmette bolmasyn ózin isker uıymdastyrýshy, talapshyl basshy, biliktiliginiń arqasynda árbir istiń kózin taba biletinbastamashyl qasıetterimen oblystyń damýyna ózindik eńbegin sińirdi. Onyń ishinde Túrkistan qalasynyń áleýmettik-ekonomıkalyq, ósip-órkendeýine aıtarlyqtaı úles qosty. О́mirin týǵan óńirge qyzmet etýge arnaǵan el azamatynyń beınesi halyqtyń esinde árqashan saqtala bermek.
Álipbek Sháripbekulynyń ómirden ótýine baılanysty onyń otbasyna, aǵaıyn-týystary men urpaqtaryna, oblys jurtshylyǵyna qaıǵylaryna ortaqtasyp, kóńil aıtamyz.
О́.Shókeev, Q.Balabıev, Q.Aıtmuhametov, Á.Turǵymbekov, J.Amanbaev, U.Tájibaev, M.Myrzalıev, S.Qalqamanov, B.Tájibaev, J.Máýlenqulov, О́.Meldehanov, R.Aıýpov, J.Áziretbergenov, T.Ábdiqaıymuly, B.Sadvahasov.