Áıgili FourFourTwo portaly HHI ǵasyrda fýtbolshylar jáne bapkerler arasynda oryn alǵan eń úlken janjaldardyń tizimin jarııalaǵan eken.
Aıtýly portal Arsen Venger men Aleks Fergıýsonarasyndaǵy kıkiljińdi birinshi orynǵa qoıǵan eken. Biri – «Arsenaldy», ekinshisi – «Manchester Iýnaıtedti» jattyqtyrǵan jyldary ekeýi jıi daýlasatyn. Balaǵattap qana qoımaı, baspasóz betteri arqyly da bir-birlerin qaralaýǵa tyrysatyn. Bul oqıǵalardan barsha jankúıer habardar. Sol sebepti de jaýyr bolǵan áńgimege qaıta oralýdyń qajeti joq dep oılaımyz.
Ekinshi orynda Zınedın Zıdan men Marko Materassı arasyndaǵy janjal. 2006 jyly ótken álemdik dop dodasynyń fınaldyq saıysynda fransýz oıynshysynyń ápkesin balaǵattaǵany úshin Zıdan ıtalııalyq qorǵaýshyny baspen tósinen uryp qulatqany belgili.
Sondaı-aq, sol tizimge Maksı Lopes pen Maýro Ikardı, Roı Kın men Mık Makkartı, Nıkolıa Anelka men Raımon Domenek, Lotar Matteýs pen Shtefan Effenberg, Roı Kın men Patrık Vıeıra, «Nıýkasldyń» prezıdenti Maık Eshlı men sol klýbtyń oıynshylar, Kárim Benzema men Dıde Desham jáne taǵy basqa azamatttar arasyndaǵy janjaldar enip otyr.