Brıtanııalyq FourFourTwo basylymy qazirgi tańdaǵy álemniń eń myqty degen 10 úzdik qaqpashysynyń tizimin jasap shyqty.
Aıyna bir ret jaryq kóretin áıgili basylymnyń reıtıngi boıynsha, úzdik qaqpashylardyń kóshin Madrıdtiń «Atletıko» klýbynyń qaqpashysy Iаn Oblak bastap tur. Sebebi, 27 jastaǵy slovenııalyq qaqpashynyń ózge áriptesterine qaraǵanda jeke kórsetkishi tańdaı qaqtyrarlyq. Oblak bıylǵy maýsymynda jalpy sany 27 matchqa qatysyp (barlyǵynda negizgi quramda alańǵa shyqqan), nebári 21 gol ótkizip alǵan.
Ekinshi oryndy Brazılııa ulttyq quramasy men Aǵylshynnyń «Lıverpýl» klýbynyń qyraǵy qaqpashysy Alısson Beker ıelendi. Al úzdik úshtikti «Barselonanyń» germanııalyq qaqpashysy Mark-Andre ter Shtegen túıindep tur.
Sondaı-aq FourFourTwo basylymynyń reıtıngine myna qaqpashylar da engen. Atap aıtar bolsaq, Tıbo Kýrtýa («Real»), Keılor Navas (PSJ), Peter Gýlachı («RB Leıpsıg»), Samır Handanovıch («Inter»), Manýel Noıer («Bavarııa»), Ederson Moraes («Manchester Sıtı») jáne Davıd de Hea («Manchester Iýnaıted») bar.